Wakati Yanga ikisisitiza kuweka viingilio kwenye mchezo na Medeama Jumamosi, Mshambualiaji Amissi Tambwe ameweka wazi kutaka kucheza mechi hiyo itakayopigwa kwenye Uwanja wa Taifa, Dar es Salaam.
Tambwe yuko kwenye hatihati ya kuukosa mchezo huo wa CAF baada ya kuugua lakini mwenyewe amesisitiza kwamba yuko fiti na kama ataendelea hivyo basi atamudu mikikimikiki ya uwanjani Jumamosi.
“Nimeanza mazoezi, nafikiri kama nikiendelea hivi naamini Jumamosi nitakuwa fiti kucheza.
“Afya yangu imeanza kuimarika, japo hali ilikuwa mbaya siku nne zilizopita,” amesema Tambwe na kuongeza.
“Natamani kucheza mechi hiyo, sitaki kuikosa, najua ni mchezo muhimu kwetu kushinda, niwaombe mashabiki wa Yanga kuniombea ili niimarike zaidi na kupata nafasi ya kucheza.”
Katika hatua nyingine, uongozi wa Yanga umeweka kando ofa ya mashabiki kuingia bure uwanjani kama ilivyofanya katika mchezo uliopita dhidi ya TP Mazembe.
Amissi Tambwe kuingia uwanjani Jumamosi
![Amissi Tambwe kuingia uwanjani Jumamosi]()
Reviewed by habari motto
on
6:10 AM
Rating:
