Kumbe na wanasiasa wanatapeliwa!

Askofu wa kujipachika wa dhehebu la Good News for All Ministry  Charles Gadi wa pili kulia

 pamoja na mkuu wa wilaya ya Bagamoyo Ahmed Kipozi kwenye maombi ya kumwombea rais

 Jakaya Kikwete anayetibiwa nchini Marekani baada ya kupasuliwa busha (Picha kwa hisani 

ya IPPmedia).

Wanasiasa huwatapeli wananchi. Kadhalika nao hutapeliwa na waganga wa kienyeji na 

wachunaji waitwao wachungaji. Huu mchezo umeanza kuota mizizi ambapo unasikia matapeli

 eti wakiliombea taifa badala ya kuliambia kuwa linaharibiwa na hawa miungu watu 

wanaowaabudia ili wawape tenda na vijipesa kidogo au kujifanya hawaoni utapeli wanaofanya hadi wengi wametokea kuwa mabilionea hata wanaoweza kununua ndege.
Matapeli hawa kiroho kwa kujua kuwa watawala wetu ni wachafu, woga na wasiojiamini, wamewaingiza mjini kiasi cha kuwatumia kupata umaarufu na kuwaibia. Rais wa zamani wa

 Malawi alitumiwa vilivyo na tapeli la kinigeria TB Joshua ambaye hata hivyo utapeli wake 

ulipata pigo hivi karibuni pale nyumba yake ya kulala wageni ilipoporomoka na kuua zaidi ya 

watu 100 wengi wakitokea Afrika Kusini ambako tapeli huyu ana wafuasi wengi.