WAGONGA nyundo wa Mbeya, Mbeya City fc wameanza kurejesha makali yao baada ya kuitandika bao 1-0 Kagera Sugar katika mechi ya ligi kuu soka Tanzania bara iliyomalizika jioni hii uwanja wa CCM Kirumba Mwanza.
Bao hilo pekee limefungwa dakika ya 80 na Peter Mapunda.
Kikosi hicho cha Juma Mwambusi kilishangiliwa na zaidi ya mashabiki 200 waliosafiri kutoka Mbeya kuipa sapoti timu hiyo.
Ushindi wa huu ni wapili mfululizo kwani desemba 28 mwaka jana waliibuka na ushindi wa bao 1-0 dhidi ya Ndanda fc katika mechi ya raundi ya nane ya ligi kuu kwenye uwanja wa Sokoine Mbeya.
